काठमाडौं, २८ कार्तिक । नेकपा (एमाले) का अध्यक्ष केपी शर्मा ओलीले आज चितवन र सिन्धुली गरी दुईवटा चुनावी आमसभालाई सम्बोधन गर्ने भएका छन् । ओलीको सचिवालयले जनाएअनुसार आज पहिले चितवन जाने कार्यक्रम छ । त्यसलगत्तै सिन्धुलीको दुधौलीमा आयोजना गरिएको आमसभालाई सम्बोधन गर्ने कार्यक्रम रहेको छ ।
ओलीले शनिबार सुदूरपश्चिमका डोटी र कैलालीका तीनवटा चुनावी सभालाई सम्वोधन गरेका थिए भने हिजो (आइतबार) कर्णालीका कालीकोट, दैलेख र सुर्खेतमा आयोजना गरिएका आमसभालाई सम्बोधन गरेका थिए ।
