काठमाडौं, ३० कार्तिक । चितवन–२ का सत्ता गठबन्धनका साझा उम्मेदवार उमेश श्रेष्ठको गाडी तोडफोड भएको छ ।
उनको बा ३ च २०५० नम्बरको प्राडो कारमा अपरिचित समूहले आज बिहान ११ बजेतिर तोडफोड गरेको हो ।
श्रेष्ठको सचिवालयले जनाएअनुसार भरतपुर महानगरपालिका–१० पुरानो मेडिकल कलेज अगाडि चुनाव प्रचारमा रहेका बेला श्रेष्ठको गाडीमा प्रहार भएको हो ।
मोटरसाइकलमा आएका युवाले गाडी तोडफोड गरेका हुन् । अहिले प्रहरीले ती युवाको खोजी गरिरहेको छ ।
