काठमाडौं, ३० कार्तिक । नेपालकी चर्चित नायिका सुष्मा कार्की बर्दिया-२ का प्रतिनिधिसभाका उम्मेदवार विनय रावललाई भोट माग्न व्यस्त छिन् । बर्दियाकी चेली नायिका कार्की यतिवेला रावलको घरदैलोमा सक्रियताका साथ सहभागी भएकी छिन् ।
यही कार्तिक २८ गते बर्दियामा आयोजित आमसभा तथा सांस्कृतिक कार्यक्रममा पनि नायिका कार्कीले नृत्य प्रस्तुत गरेकी थिईन् । आज भने कार्की रावलको पक्षमा मत माग्दै घरदैलौमा नै सहभागी भएकी छिन् । सो क्रममा उनले थारु भाषामा पनि रावलको पक्षमा मत मागेकी थिईन् ।
राप्रपाका प्रभावशाली नेता रावलको पक्षमा पछिल्लो समय व्यापक जनलहर बढेको छ । सामाजिक सेवामार्फत राजनीतिमा सक्रिय रावलले बर्दियाको विकासको लागि स्पष्ट खाका बनाएका छन् । उनले कृषि र पर्यटनलाई नै विकास गर्न सकेपनि बर्दिया सम्पन्न हुने बताउँदै आएका छन् ।
उनले विकसित र व्यवस्थित् बर्दियाको नारा बोकेर विगत लामो समयदेखि काम गर्दै आएका छन् । पछिल्लो समय उनलाई सोही क्षेत्रबाट चुनाव उठेका स्वतन्त्र उम्मेदवार रामप्रसाद आचार्यले पनि सघाएका छन् । आचार्य यतिवेला रावलको घरदैलोमा सक्रिय भएका छन् ।
