एजेन्सी, १ मंसिर । कांग्रेसको भारत जोडो यात्रामा राष्ट्रिय गानको सट्टा गलत गीत बजाएको भन्दै राहुल गान्धीलाई सामाजिक सञ्जालमा ट्रोल गरिएको छ । यो खबर महाराष्ट्रका वसीमको हो।
राहुलले बुधबार एक कार्यक्रमलाई सम्बोधन गरेका थिए । सो क्रममा राहुलले अब राष्ट्रिय गान बज्ने बताए, तर नेपालको राष्ट्रिय गान बजाइयो । त्यसमा उनले तुरुन्तै रोकेर भारतीय राष्ट्रिय गान सुरु गर्न भने । भाजपा नेताले यो भिडियो शेयर गरेर प्रश्न उठाइरहेका छन् ।
भिडियोमा राहुल गान्धी र कांग्रेसका केही नेताहरू मञ्चमा उभिएको देखिन्छ । यसैबीच राहुलले नजिकै उभिएका नेतालाई राष्ट्रिय गान बजाउन आग्रह गरे। यसपछि सबैजना सतर्कताको मुद्रामा उभिन्छन् तर भूलवश नेपालको राष्ट्रिय गान बज्न थाल्छ । यद्यपि, राहुलले तुरुन्तै नेताहरूलाई उहाँलाई रोक्न र राष्ट्रगान बजाउन आग्रह गर्छन्।
यो घटनापछि राहुल ट्रोलको निशानामा परेका छन् । मानिसहरुले अनेक किसिमका कमेन्ट गरिरहेका छन् ।
