एजेन्सी, २ मंसिर । अमेरिकी संसदकी सभामुख न्यान्सी पेलोसीले डेमोक्रेटिक पार्टीको नेतृत्वबाट राजीनामा दिएको घोषणा गरेकी छन् । हाउस अफ रिप्रिजेन्टेटिभमा रिपब्लिकन पार्टीको जितपछि उनको घोषणा आएको हो ।
‘म डेमोक्रेटिक पार्टीका युवा नेताहरूलाई मौका दिन चाहन्छु। म कुनै पनि दावेदारलाई समर्थन गर्दिन। सबै दावेदारहरूको आफ्नै योजना, आफ्नै दृष्टिकोण हुनेछ।’८२ वर्षीय पेलोसीले भनिन् । पेलोसीले गत हप्ता भएको मध्यावधि चुनावको नतिजालाई लोकतन्त्रको विजय भनेकी छिन् । पेलोसी लगातार दुई दशकदेखि माथिल्लो सदनमा आफ्नो पार्टीको सबैभन्दा उच्च नेता हुन्। राजिनामाको घोषणा भएलगत्तै पार्टीका धेरै नेताहरुले उनलाई बदल्ने दाबी गरेका छन् । ५२ वर्षीय हाकिम जेफरीज पेलोसीको ठाउँमा उम्मेदवारी दिने दौडमा अग्रपंक्तिमा छन् । उनले पेलोसीलाई २०२१ को चुनावमा हाउस अफ रिप्रिजेन्टेटिभको सभामुख पदका लागि चुनौती दिए, तर त्यतिबेला उनले एक मत मात्रै पाउन सकेकी थिइन्।
यससँगै रिपब्लिकन पार्टीले केभिन म्याकार्थीलाई सभामुख पदका लागि आफ्नो उम्मेदवारको रूपमा चयन गरेको छ। पेलोसी र म्याकार्थी एकअर्काका कटु प्रतिद्वन्द्वीका रूपमा चिनिन्छन्।
न्यान्सी पेलोसीले अमेरिकामा हुने मध्यावधि चुनावअघि ताइवान गएर विश्वको ध्यानाकर्षण गराएकी थिइन् । चीनको चेतावनीको बाबजुद यो भ्रमणले दुवै देशमा निकै तनाव सिर्जना गरेको छ । पेलोसीले अमेरिकामा मतदातालाई आकर्षित गर्न ताइवान भ्रमण गरेको विश्वास गरिएको थियो।
न्यान्सी पेलोसी राष्ट्रपति र उपराष्ट्रपतिपछि अमेरिकाको तेस्रो शक्तिशाली नेता हुन्। न्यान्सी अमेरिकाको राजनीतिक परिवारसँग सम्बन्धित छिन्। उनका बुबा र भाइ अमेरिकी सहरका मेयर भएका छन्। सन् १९८७ मा पहिलो पटक सांसद बने । 2007 मा, उनी अमेरिकी संसदको सभामुख बन्ने पहिलो महिला बनिन्। ८२ वर्षीया न्यान्सीको यो चौथो कार्यकाल थियो ।
