काठमाडौं, ४ मंसिर । रिपोर्टर्स क्लब नेपालका सभापति एवम् प्राइम टिभीका अध्यक्ष ऋषि धमलाले मतदान गरेका छन् ।
उनले गृहजिल्ला धादिङ पुगेर मतदान गरेका हुन् । मतदान गर्नकै लागि धमला आज विहानै काठमाडौंबाट धादिङ पुगेका हुन् ।
उनले निलकण्ठ नगरपालिकामा रहेको शंखादेवी उच्च मावि मतदान केन्द्रमा पुगेर आफ्नो अमूल्य मत खसालेका हुन् ।
धमलाकाअनुसार मतदानमा जनताको व्यापक सहभागिता रहेको छ । मतदान शान्तिपूर्ण रुपमा भैरहेको पनि उनले जनाए ।
