काठमाडौँ, ४ मङ्सिर । प्रतिनिधिसभा तथा प्रदेशसभा निर्वाचनका लागि आज जारी मतदानमा र्कीतिपुर निवासी ९२ वर्षे तरमै महर्जनले मतदान गरेकी छिन् ।
कीर्तिपुर वडा नं ९ स्थित नेपाल टेलिकम कार्यालयमा रहेको मतदान केन्द्रमा उनले मतदान गरेकी हुन् । महर्जन मतदानपछि निकै उत्साही भइन् । “हामीलाई भोट हाल्ने अधिकार छ, भोट हाल्नै प¥यो”, उनले भने, “यो उमेरमा पनि भोट दिन पाउँदा राम्रो लागेको छ ।”
उनले छोराको सहयोगमा आज विहान मतदान गरेकी हुन् । उनले मतदान केन्द्रमा पहिले जस्तो मानिसको भिड नदेखेको बताइन् । उनले गत स्थानीय तहको निवार्चनमा पनि मतदान गरेकी थिइन् ।
