काठमाडौं, ९ मंसिर । बर्दिया क्षेत्र नं. १ मा प्रतिनिधि सभा सदस्यमा नेपाली कांग्रेसका संजयकुमार गौतम दोस्रो पटक विजयी भएका छन् ।
गत २०७४ सालको निर्वाचनमा बाम गठबन्धनका उम्मेदवार वामदेव गौतमलाई पराजित गरेका गौतमले यसपटक नेकपा एमालेका लक्ष्मण ज्ञवालीलाई ४ हजार ४५६ मतान्तरले पराजित गरेका हुन् ।
निर्वाचित गौतमले ३० हजार ६११ मत ल्याएका छन् । ज्ञवालीले २६ हजार १५५ मत प्राप्त गरेर दोस्रो स्थानमा छन् ।
