काठमाडौं, ११ मंसिर । सञ्चार मन्त्री ज्ञानेन्द्र कार्की उम्मेदवार रहेको सुनसरी–४ मा शनिबारबाट स्थगित भएको मतगणना सुचारु गर्नका लागि सर्वदलिय बैठक सुरु भएको छ ।
स्थगित मतगणना सुचारु गर्ने बारे छलफल गर्न मुख्य निर्वाचन अधिकृतको कार्यालयमा सर्वदलीय सुरु भएको हो । मुख्य निर्वाचन अधिकृत, प्रशासन, सुरक्षा निकायका प्रमुख र उम्मेदवारहरु बैठकमा सहभागी छन् ।
सूचना तथा सञ्चार मन्त्री ज्ञानेन्द्र कार्की र नेकपा एमालेका उम्मेदवार जगदिश कुसियतबीच कडा प्रतिस्पर्धा छ । कांग्रेसले धाँधली भएको भन्दै पुनः मतदानको माग गरेपछि विवाद सुरु भएको थियो ।
