काठमाडौं, १५ मंसिर । मंसिर ४ गते सम्पन्न भएको प्रतिनिधि सभा तथा प्रदेशसभा निर्वाचनमा स्याङ्जा–२ मा मतगणना जारी छ । नेपाली कांग्रेसका उपसभापति धनराज गुरुङले अग्रता बढाउँदै गएका छन् ।
प्राप्त पछिल्लो मतपरिणाम अनुसार गुरुङले ६ हजार ६५ मत प्राप्त गर्दा नेकपा एमालेकी सचिव पद्या अर्यालले ४ हजार ७ सय ६५ मत पाएकी छिन् ।
राष्ट्रिय स्वतन्त्र पार्टीका टिकराज गुरुङले १३ सय ८४ मत ल्याएका छन् । उनीहरु बीचको अन्तर १३ सय रहेको छ ।
कांग्रेसले धाँधली गरेको भन्दै पुनः मतदानको माग गर्दै सो क्षेत्रको मतगणना स्थगित गरेको थियो ।
बुधबार निर्वाचन आयोगले सो क्षेत्रमा मतगणना गर्न निर्देशन दिएसँगै डेढ सातापछि गणना सुरु भएको हो ।
