काठमाडौं, २१ मंसिर । प्रधानन्यायाधीश चोलेन्द्र शमशेर जबराले संसद् सचिवालयबाट संविधानसम्म्त निर्णय भएकोले आफू अदालत पुगेर हाजिर गर्ने बताएका छन् । जबरा अदालत जाने तयारी गरेसँगै सर्वोच्च अदालतको मूल गेटमा नेपाल बार एशोसिएशनले धर्ना दिएको छ ।
ठूलो मात्रामा प्रहरी तैनाथ गरिएको छ । अदालतभित्र प्रवेश गर्नै सवारीहरुमाथि कडा चेकजाँच गर्ने गरिएको छ । तर, जबराले भने आफू केहीबेरमा अदालत पुग्ने बताए । उनले भने,‘संसद् सचिवालयबाट संविधानसम्म्त निर्णय भएको छ ।
सरकारले त्यसो विरोध गर्दैन्, म आज जसरी पनि अदालत पुगेर हाजिर गर्छु ।’ उनले आफूलाई अदालत प्रवेशका लागि सरकारले नै समन्वय गर्ने विश्वास दिलाए ।
