काठमाडौं, २५ मंसिर । सरकारले बन्दी बनाईएका विभिन्न राजनीतिक दलका कार्यकर्ताहरुलाई आममाफी दिनेगरि अध्यादेश ल्याएको छ । स्रोतकाअनुसार सरकारले जेलमा रहेका नेता रेशम चौधरीलाई रिहा गर्नको लागि नै मुख्य रुपमा यो अध्यादेश ल्याएको हो । यसको लाभ अन्य दलका नेता तथा कार्यकर्ताहरुले पनि लिने भएका छन् ।
आज (आइतबार) बसेको क्याबिनेट बैठकले आममाफी दिन अध्यादेश ल्याएको हो । मुलुकी फौजदारी कार्यविधि संहिता, २०७४ को दफा ११६ मा उपदफा ९ थप्दै विद्रोहीहरूलाई आममाफी दिने प्रावधान राख्ने निर्णय भएको हो ।
