काठमाडौं, २७ मंसिर । लोकतान्त्रिक समाजवादी पार्टीले गठबन्धनको नेतृत्वको सरकारमा सहभागी हुने निर्णय गरेको छ।
आज (मंगलबार) बसेको पार्टीको हाईकमाण्डको बैठकले यस्तो निर्णय गरेको हो ।
एक नेताकाअनुसार पार्टीले गठबन्धनको सरकारमा सहभागी हुने निर्णय गरेको हो ।
यसअघि पार्टीका अध्यक्ष महन्थ ठाकुरले कांग्रेस सभापति एवम् प्रधानमन्त्री शेरबहादुर देउवासँग भेटवार्ता गरेका थिए ।
सो भेटवार्तामा देउवाले ठाकुरलाई नयाँ सरकार गठनमा सहभागी हुन आग्रह गरेका थिए ।
देउवाको प्रस्तावअनुसार नै ठाकुरले नयाँ सरकारमा सहभागी हुनेबारे निर्णय गराएका ह्ुन् ।
मंसिर ४ गतेको निर्वाचनमा लोसपा गठबन्धनबाटै चुनाव लडेको हो ।
