काठमाडौं, पुस ३ । देशका विभिन्न भागमा आज सामान्य वर्षाको सम्भावना रहेको छ । जल तथा मौसम पूर्वानुमान महाशाखाका अनुसार आज दिउँसो प्रदेश-१, बागमती, गण्डकी र लुम्बिनी प्रदेशमा आंशिक बदली रहने छ ।
त्यस्तै, बाँकी क्षेत्रमा भने मौसम सफा रहने छ । त्यस्तै, प्रदेश-१ बागमती र गण्डकी प्रदेशका पहाडी क्षेत्रमा हल्का वर्षाको सम्भावना रहेको छ । उच्च पहाडी र हिमाली क्षेत्रमा भने हिमपातको समेत सम्भावना रहेको महाशाखाले जनाएको छ ।
पहाडी क्षेत्रमा वर्षासँगै तराईमा हुस्सु लाग्ने र शितलहर चल्नसक्ने चेतावनी समेत महाशाखाले दिएको छ ।
त्यस्तै आजरातिसम्म प्रदेश-१, बागमती प्रदेश र गण्डकी प्रदेशका पहाडी भू(भागमा आंशिकदेखि सामान्य बदली हुनेछ । साथै बाँकी भू-भागमा भने आंशिक बदलीदेखि मौसम सामान्यतया सफा रहने महाशाखाले जनाएको छ ।
