काठमाडौं, १६ पुष । नेपाली कांग्रेसका वरिष्ठ नेता रामचन्द्र पौडेलले सत्तामा नहुँदैमा निराश नहुन नेता कार्यकर्तालाई आग्रह गरेका छन् ।
शनिबार तनहुँको भानु नगरपालिका–९ स्थित पुर्कोट कालिका क्याम्पसको आयोजित १०औँ साधारणसभालाई सम्बोधन गर्दै नेता पौडेलले बदलिँदो अवस्थामा कांग्रेस कार्यकर्ता निराश हुन नहुने बताएका हुन् ।
साथै, अहिलेको जस्तो अवस्था कांग्रेसले विगतमा पनि सामना गरेको बताउँदै उनले भने– ‘कांग्रेसले अब सशक्त प्रतिपक्षीको भूमिका निर्वाह गर्छ ।’
