काठमाडौं १७ पुष । । नायिका तथा निर्माता निता ढुगांनाको चलचित्र ‘ह्रस्वदीर्घ’मा नायिका गरिमा शर्मा अनुबन्धित भएकी छन् । निता फिल्मस्बाट निर्माण हुन लागेको उक्त चलचित्रमा नायिका शर्मालाई स्वागत गर्न पाउँदा आफूहरु उत्साहित भएको निर्माता ढुगांनाले बताएकी छन् ।
उनले आइतबार सामाजिक सञ्जाल फेसबुकमा लेखेकी छन्,– ‘निता फिल्मस्बाट निर्माण हुनलागेको चलचित्र ‘ह्रस्वूदीर्घ’ मा कलाकारको रूपमा तपाईं (गरिमा शर्मा) लाई स्वागत गर्न पाउँदा हामी उत्साहित छौं ।’
छायांकनको तयारीमा रहेको चलचित्र ‘ह्रस्वदीर्घ’मा कलाकार छनौटको काम जारी छ । यसअघि, ‘ह्रस्वदीर्घ’मा अभिनेत्री बिपना थापा,अभिनेता रविन्द्र झा पनि अनुबन्धित भएका थिए । चलचित्रलाई भारतको ठूलो फिल्म सिटी रामोजी स्टुडियोमा छायांकन गरिने निर्माण बताइएको छ ।
