काठमाडौं २२ पुष । बिराटनगर सुपर किंग्ससँग पराजित भएसँगै फार्वेष्टन युनाइटेड प्लेअफबाट बाहिरिएको छ। त्रिवि क्रिकेट मैदानमा भएको खेलमा बिराटनगरले टस जितेर पहिला ब्याटिङ् रोजेको थियो।
टस जितेर ब्याटिङ् गरेको बिराटनगरले पूरै २० ओभर खेलेर ६ विकेटको क्षतिमा १४७ रन जोडेको थियो। जवाफी ब्याटिङमा उत्रेको फार वेष्टर्नले २० ओभरमा ९ विकेट गुमाउँदै १४४ रन मात्र जोड्न सक्यो।
लुम्बिनी १६ र जनकपुर १४ अंकसहित शीर्ष दुई स्थानमा छन्। तेस्रो स्थानको काठमाडौं नाइट्सको ९ खेलबाट ८ अंक छ। चौथो स्थानको विराटनगरको पनि समान ८ अंक छ।
पोखरा एभेन्जर्स ९ खेलबाट ६ अंक जोडेर ५औं स्थानमा छ। प्ले अफमा काठमाडौं, पोखरा, विराटनगरमध्ये दुई टिम पुग्ने छन्।
