काठमाडौं, २४ पुस । नेपाल टी-२० लिग अन्तर्गत फाइनल प्रवेशका लागि आज लुम्बिनी अलस्टार्स र जनकपुर रोयल्स भिड्दै छन्।
१२ बजेदेखि सुरु हुने खेलमा लुम्बिनी १० खेलमा आठमा जित र दुईमा हारसहित १६ अंक जोड्दै शीर्ष स्थानमा छ भने जनकपुर १० खेलमा सात जित र तीन हारसहित १४ अंकका साथ दोस्रो स्थानमा छ।
आज विजेताहुने टोली सिधैं फाइनल प्रवेश गर्नेछ। पराजित हुने टोलीले भने फाइनल प्रवेशका लागि सोमबार हुने विराटनगर र काठमाडौंबीचको विजेतासँग खेल्नेछ।
