काठमाडौं, पुस २५। प्रधानमन्त्री पुष्पकमल दाहाल ‘प्रचण्ड’ले निजी क्षेत्र, पुँजीबजार, सहकारी, बीमा लगायत सबै क्षेत्रसँग समन्वय गरेर अर्थतन्त्रलाई सबलीकरण गर्दै जाने बताएका छन् ।
सोमबार ग्लोबल आईएमई र बैंक अफ काठमाण्डूको मर्जरपछि आयोजिक एकीकृत कारोबार शुभारम्भ कार्यक्रमलाई सम्बोधन गर्दै प्रधानमन्त्री दाहालले पुँजीबजार र अर्थतन्त्रमा देखिएको सुधारले आम जनतामा आशा पलाएको बताए
देशमा लगानीको वातावरण बनेको र त्यसका लागि लगानीको अपिरिहार्यता रहेको बताउदै उनले अर्थतन्त्र तत्काल सुधार गर्न पर्ने देखिएकोले सरकार गठन लगत्तै पहिलो निर्णय यसै सम्बन्धी गरिएको बताए ।
निजी क्षेत्रका चासो र माग सम्बोधन गर्न अर्थ मन्त्रालय र राष्ट्र बैंकसँग हालै छलफल गरेको जनाउँदै उनले मर्जरले ठूला परियोजनामा अब वित्तिय लगानी जुटाउन सहज हुने समेत व्यक्त गरेका छन् ।
