काठमाडौं, ३० पुष । नेकपा (माओवादी केन्द्र)ले गत पुष २३ गते बृहत वाम एकताका लागि भन्दै पार्टी उपाध्यक्ष कृष्णबहादुर महराको संयोजकत्वमा पाँच सदस्यीय कार्यदल गठन गर्यो। जुनसमितिमा पार्टी महासचिव देव गुरुङ, उपमहासचिवहरू गिरिराजमणि पोखरेल, जनार्दन शर्मा र शक्ति बस्नेत रहेका छन्।
त्यसपछि वार्ता टोलीको पहिलो बैठकले बृहत वाम एकता गर्न सकिने पार्टीहरुको आफूहरुले सूची तयार गरेको र छलफल गरिने संयोजक महाराले बताए। उनले एकताका लागि पहिले डा. बाबुराम भट्टराइ नेतृत्वको नेपाल समाजवादी पार्टी र माधव कुमार नेपाल नेतृत्वको नेकपा (एकीकृत समाजवादी)सँग पहल थाल्ने बताएका थिए।
भट्टराईले चुनावपछि पार्टी एकता गर्ने माओवादी केन्द्रसँगको सहमति अनुसार माओवादीकै चुनाव चिन्हलिएर निर्वाचनमा होमिएको थिएभने भट्टराई आफूले निरन्तर चुनवा जित्दै आएको क्षेत्रपनि माओवादी अध्यक्ष पुष्पकमल दाहाल ‘प्रचण्ड’लाई छोडेका थिए।
भट्टराईले पार्टी एकताका लागि माओवादी केन्द्रको नाम नै परिवर्तनगरी समाजवादी केन्द्र बनाउनुपर्ने बताउँदै आइरहेका छन्। पार्टी एकताको विषयमा भट्टराई र अध्यक्ष प्रचण्डबीच विभिन्न चरणमा वार्ता भइसकेका छनभने दुईटै पार्टीले कार्यदलपनि बनाइसकेका छन्। चाँडै नै पार्टी एकता हुने दुवै पार्टीका नेताहरुले बताइरहेका छन्।
यस्तै एकीकृत समाजवादीसँग तत्काल पार्टी एकताको सम्भावना न्यून देखेपछि संयोजक महरा नेत्रविक्रम चन्द ‘विप्लव’नेतृत्वको नेपाल कम्युनिष्ट पार्टीसँग वार्ता गर्न कपिलवस्तु पुगेका छन्।
महरा विप्लवसँग पार्टीक एकताको लागि प्रस्ताव गर्न कपिलवस्तु गएको र जवाफमा विप्लवले माघ पहिलो साता बस्ने केन्द्रीय समितिको बैठकमा आगामी कार्यदिशा र वाम धुव्रिकरणका विषयमा छलफल गर्ने जवाफ दिएको महरा निकट एक नेताले बताए।
यस्तै महराले केही दिनमा नै धर्मेन्द्र बास्तोला नेतृत्वको नेकपा बहुमत र मोहन वैध नेतृत्वको नेपाल कम्युनिस्ट पार्टी (माओवादी)लगायतका अन्यदलहरुसँग पनि पार्टी एकताका लागि वार्ता गर्ने तयारी रहेको उनी निकट एक नेताले बताए।
