काठमाडौं, १ माघ । आज भएको यती एयरलाइन्सको विमान दुर्घटनामा परेर लोकगायिका निरा छन्त्यालको मुत्यु भएको छभने अहिलेसम्म ५ जनाको शव सनाखत भएको छ।
छन्त्यालको मृत्यु भएको खबर उनकी दिदी हिरा छन्त्यालले पुष्टि गरेकी छन्। गायिका छन्त्याल पोखरामा आयोजना हुने चौथो संगबहादुर तथब्जा स्मृति कप कार्यक्रममा सहभागी हुन जान लागेकी थिइन्।
यस्तै फेला परेका ६८ जनाको शवहरु मध्ये ५ जनाको सनाखत भएको जिल्ला प्रहरी कार्यालय कास्कीका प्रहरी निरीक्षक सुवास तिमल्सिनाले बताए।
उनका अनुसार सुशील श्रेष्ठ, संगीता शाही, लक्ष्मी पौडेल, निशान्त आचार्य र सदारत अलिमियाको सनाखत भएको हो।
