काठमाण्डौ, माघ ५ । इंग्लिस प्रिमियर लिग फुटबलमा म्यानचेस्टर युनाइटेड र क्रिस्टल प्यालेसले बराबरी खेलेका छन् ।
आज बिहान भएको खेलमा युनाइटेड र क्रिस्टल प्यालेसले एकरएक गोलको बराबरी खेलेका हुन् । ब्रुनो फर्नान्डेसले खेलको ४३ औँ मिनेटमा गोल गरेपछि अग्रता लिएको युनाइटेडले अन्तिम समयमा गोल खायो ।
क्रिस्टल प्यालेसका मिचेल ओलिसले दोस्रो हाफको अतिरिक्त समयमा गोल गरे । यो बराबरीसँगै युनाइटेडको १९ खेलमा ३९ अंक भएको छ ।
युनाइटेड अंकतालिकाको तेस्रो स्थानमा छ । समान खेलमा क्रिस्टल प्यालेस २३ अंकका साथ १२ औँ स्थानमा छ ।
