एजेन्सी । ट्विटरले करिब एक महिनाअघि धेरै चर्चामा रहेको ब्लू सब्सक्रिप्शन सुविधा सुरु गरेको थियो। तर यो चयन गरिएका प्रयोगकर्ताहरूको लागि पेश गरिएको थियो। कम्पनीले आईओएस एप र वेब प्रयोगकर्ताहरूका लागि मात्र ट्विटर ब्लू सब्सक्रिप्शन सुरु गरेको छ। अब कम्पनीले यसलाई एन्ड्रोइड प्रयोगकर्ताका लागि पनि जारी गर्दैछ।
ट्विटर हेल्प सेक्शन अनुसार ट्विटर ब्लू अब एन्ड्रोइड प्रयोगकर्ताहरूले पनि प्रयोग गर्न सक्नेछन्। एन्ड्रोइड प्रयोगकर्ताहरूले यसको लागि प्रति महिना ११ डलरको सदस्यता लिनुपर्नेछ। यो मूल्य आईओएस प्रयोगकर्ताहरूको लागि पनि हो।
रिपोर्टका अनुसार यो अमेरिका, बेलायत, क्यानडा, अष्ट्रेलिया, न्युजिल्यान्ड र जापानमा मात्रै लिन सकिनेछ। कम्पनीले यसबारे पहिले नै स्पष्ट पारिसकेको छ।
ट्विटर ब्लू सब्सक्रिप्शनको साथमा प्रयोगकर्ताहरूलाई निलो चेकमार्क वा टिक पनि दिइन्छ। यसबाट प्रयोगकर्ताहरूले ट्वीट सम्पादन गर्ने, १०८० पी भिडियो अपलोड गर्ने र रिडर मोडमा पहुँच गर्ने विकल्प पाउनेछन्।
