काठमाडौं, माघ १९ । दुबईबाट नेपाल आएका क्यानडेली नागरिक ९ किलो सुनसहित त्रिभुवन अन्तर्राष्ट्रिय विमानस्थलबाट पक्राउ परेका छन् ।
फ्लाई दुबईको जहाजमा गएराति १२ बजे नेपाल आएका उनी ९ किलो १३५ ग्राम सुनसहित पक्राउ परेका हुन् ।
३५ वर्षका मोहमद कमल महगौबलाई पक्राउ गरिएको प्रहरीले जनाएको छ ।
उनी पहिलोपल्ट नेपाल आएको पाइएको र अहिले नियन्त्रणमा राखेर अनुसन्धान भइरहेको स्रोतले जानकारी दिएको छ ।
उनले कम्मरमा फल्स बटन बनाएर एक एक केजीका सुन राखेका थिए ।
