काठमाडौं, ४ फागुन । प्रधानमन्त्री पुष्पकमल दाहालले ग्यास सिलिन्डर बिस्फोटमा गम्भीर घाइते भएर उपचाररत नेपाली कांग्रेसका नेता एवं सांसद डा. चन्द्र भण्डारीको स्वास्थ्यलाभको कामना गरेका छन् । दाहालल सामाजिक सञ्जालमार्फत भण्डारीको शीघ्र स्वास्थ्यलाभको कामना गरेका हुन् ।
उनले लेखेका छन्–‘ग्यास सिलिण्डर बिस्फोटमा परी गम्भीर घाइते हुनुभएका नेपाली कांग्रेसका नेता एवं गुल्मी–१ का माननीय सांसद चन्द्र भण्डारीको शीघ्र स्वास्थ्यलाभको कामना गर्दछु। बिस्फोटमा परी दुखद् निधन भएकोमा उहाँको ममतामती आमा हरिकला भण्डारीप्रति भावपूर्ण श्रद्धाञ्जली गर्दै परिवार र शुभेच्छुकहरूमा गहिरो समवेदनासहित धैर्यधारणको कामना गर्दछु।’
भण्डारीको २५ देखि ३० प्रतिशत र उनकी आमाको ७० प्रतिशत शरीर जलेको थियो । आमा हरिकलाको निधन भइसकेको छ । चन्द्रलाई थप उपचारका लागि भारतको मुम्बई लैजाने तयारी भइरहेको छ । भण्डारीलाई अहिले केहीबेरमा श्री एयरलाईन्सको जहाजमार्फत भारत लैजान लागिएको कांग्रेस नेताहरुले जनाएका छन् । file photo
