काठमाडौं, फागुन ६ । नेपाल खेलकुद पत्रकार मञ्च (एनएसजेएफ) ले प्रदान गर्ने पल्सर स्पोर्ट्स अवार्ड २०७८ अन्तर्गत पिपुल्स च्वाइस बिधामा राष्ट्रिय भलिबल खेलाडी उषा भण्डारी मनोनयनमा परेकी छिन।
यो अवार्ड जिताउन ई-सेवामार्फत पल्सर स्पोर्ट्स अवार्डमा गएर भोटगर्न उनले आग्रह गरेकी छन् । त्यस्तैगरी पल्सर स्पोर्ट्स अवार्डको आधिकारिक फेसबुक पेजमा गएर उषा भण्डारीको फोटोमा लाईक गरेर समेत भोट गर्न सकिने छ ।
पिपल्स च्वाइस विधाको मनोनयनमा परेका खेलाडीलाई समर्थकहरूले विद्युतीय भुक्तानीको सेवाप्रदायक कम्पनी ई–सेवामार्फत मतदान गर्दा त्यसको मतभार ५० प्रतिशत हुनेछ ।
त्यस्तै एनएसजेएफ पल्सर स्पोर्टस अवार्डको आधिकारिक फेसबुक पेजमा गएर आफूलाई मनपर्ने खेलाडीको फोटोमा लाइक गरेर पनि मतदान गर्दा त्यसको मतभार २५ प्रतिशत हुनेछ ।
भण्डारीलाई जिताउन आज राजधानीमा भलिबल प्रतियोगिताको समेत आयोजना गरिएको छ । ढोरपाटन भलिबल क्लबले आयोजना गरेको मैत्रीपूर्ण भलिबल प्रतियोतिामा चार टिमले प्रतिस्पर्धा गर्दैछन् ।
नयाँ बसपार्कस्थित कान्तिपुर मल पछाडिको भलिबल कोर्टमा हुने प्रतियोगितामा न्यु डायमण्ड युथ स्पोर्ट्स, नेपाल पुलिस, सशस्त्र प्रहरी बल (एपीएफ) र त्रिभुवन आर्मी क्लबले प्रतिस्पर्धा गर्नेछन् ।
