काठमाडौं, १४ फागुन । निर्वाचन आयोगले राष्ट्रपति पदका लागि हिजो उम्मेदवारी दर्ता गराएका रामचन्द्र पौडेल र सुवास नेम्वाङको विरोधमा कुनै पनि उजुरी नपरेको जनाएको छ । राष्ट्रपतिका लागि फागुन २५ गते निर्वाचन हुँदैछ ।
राष्ट्रपतिका उम्मेदवारद्धय पौडेल र नेम्वाङ पूर्व सभामुख हुन् । पौडेल कांग्रेस, माओवादीलगायत आठ दलका साझा उम्मेदवार हुन भने नेम्वाङ एमालेका उम्मेदवार हुन् । दुवै उम्मेदवारले आफूलाई निर्वाचित गराउनको लागि पहल थालेका छन् । एमालेले त संसद्मा प्रतिनिधित्व गर्ने विभिन्न दललाई पत्र लेखेर नेम्वाङलाई निर्वाचित गराउन आग्रह गरेको छ ।
