काठमाडौं, पुस १८। राष्ट्रपति विद्यादेवी भण्डारी आज दोलखा जाँदै छिन्। ग्रामीण विकास टुकी संघ दोलखाले आयोजना गर्ने प्रदर्शनी कार्यक्रममा सहभागी हुन अहिले बिहान साढे ९ बजे दोलखा जान लागेकी हुन्। राष्ट्रपति भण्डारीले त्यहाँ टुकीका सदस्यहरूसँग साक्षात्कार गर्न कार्यक्रम रहेको छ ।
प्रदर्शनीमा संस्थाले उत्पादन गरेका टुकी सदस्यका सफलताका कथालाई भिडियो, फोटो, फ्लेक्सलगायत माध्यमबाट सार्वजनिक गर्ने कार्यक्रम छ। हाल संघमा जिल्लाभरका ५२५ जना तालिम प्राप्त टुकी सदस्य आबद्ध रहेको संस्थाले जनाएको छ।
