काठमाडौं, २१ फागुन । माओवादी र पूर्व माओवादीहरु एकै मञ्चमा देखा परेका छन् । सहिद तथा बेपत्ता योद्धा सन्तति फाउण्डेशनले आज काठमाडौंमा आयोजना गरेको विशेष अन्तरक्रिया कार्यक्रममा सहभागी हुनको लागि प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल, नेकपाका महासचिव नेत्रविक्रम चन्द ‘विप्लव’, नेपाल समाजवादी पार्टीका अध्यक्ष डा. बाबुराम भट्टराई, नेकपा बहुमतका धर्मेन्द्र बास्तोला, नेकपा समाजवादीका कर्णजित बुढाथोकीलगायत एउटै मञ्चमा भेला भएका हुन् । कार्यक्रममा शीर्ष नेताहरुले सम्बोध गर्ने कार्यक्रम छ ।
