काडमाडौं, फागुन २२। आईसीसी क्रिकेट विश्वकप लिग-२ मा सोमबार नेपालले युएईको सामना गर्ने भएकाे छ ।
युएईको दुबईमा जारी पपुवा न्युगिनीसहितको त्रिकोणात्मक एक दिवसीय श्रृंखलाको अन्तिम खेलमा सोमबार नेपालले घरेलु टोली युएईको सामना गर्न लागेको हो । दुबई स्पोर्ट्स सिटीमा नेपाली समय अनुसार सोमबार बिहान पौने १२ बजे यो खेल सुरु हुने भएकाे छ ।
श्रृंखलामा युएईसँगको पहिलो खेलमा नेपाल पराजित भएको थियो । सोमबारको खेलमा उक्त पराजयको बदला लिंदै नेपाल अंक तालिकामा युएईलाई उछिन्न चाहन्छ । लिग-२ मा ३१ खेलबाट युएईको ३१ अंक छ भने नेपालको ३० अंक रहेकाे छ । पुछारको टोली पिएनजीको ९ अंक मात्रै रहेकाे छ ।
