काठमाडौं, ३ चैत्र । उपराष्ट्रपति पदका लागि मतदान भइरहेको छ। नयाँ बानेश्वरको संसद भवनस्थित ल्होत्से हलमा उपराष्ट्रपति पदका लागि आज बिहान १० बजेबाट मतदान जारी छ । मतदान दिउँसो ३ बजेसम्मको लागि तोकिएको छ । मतदानमा संघीय सांसद र प्रदेशसभाका सदस्य गरी ८८१ जनाले भोट हाल्नेछन्।
मतदानस्थलनमा उपराष्ट्रपतिका तिनै जना उम्मेदवारहरु रामसहायप्रसाद यादव, अष्टलक्ष्मी शाक्य र ममता झाले सामूहिक तस्विर खिचाएका छन् । उनीहरुबीच सो क्रममा हार्दिकता देखिएको थियो । तस्विर : मुकुन्द कालिकोटे, रिपोर्टर्स नेपाल डटकम
