काठमाडौं, चैत ५ । स्थानीय वायुसँगै पश्चिमी वायुको सामान्य प्रभावका कारण आज देशभर आंशिकदेखि सामान्य बदली रहने देखिएको छ।
जल तथा मौसम पूर्वानुमान महाशाखाका अनुसार अहिले बागमती प्रदेश, मधेश प्रदेश र कोशी प्रदेशका केही भू-भागहरुमा मेघगर्जन र चट्याङसहित वर्षा भइरहेको छ ।
त्यस्तै आज दिउँसो भने देशभर आंशिकदेखि सामान्य बदली रहने छ । त्यस्तै, देशको पहाडी र तराईका भू-भागका केही स्थानमा मेघगर्जन र चट्याङ्गसहित क्षणिक हल्कादेखि मध्यम वर्षाको सम्भावना रहेको छ।
आइतबार राति भने देशभर आंशिकदेखि सामान्य बदली रहने छ। त्यस्तै, देशका पहाडी र तराईका भू-भागका केही स्थानमा मेघगर्जन र चट्याङ्गसहित क्षणिक-हल्कादेखि मध्यम वर्षाको सम्भावना भएको महाशाखाले जनाएको छ।
