काठमाडौं, १० चैत्र । नेपाली कांग्रेसका सभापति शेरबहादुर देउवाको निवास धुम्बाराहीमा अहिले कांग्रेस पदाधिकारीको बैठक बसिरहेको छ। कांग्रेसको पदाधिकारी बैठक नेकपा (माओवादी केन्द्र)को पदाधिकारी बैठक बसेको केही बेरपछि देखि बसिरहेको हो।
कांग्रेस पदाधिकारी बैठकमा सरकारमा सहभागीता र सरकारमा जाने मन्त्रीहरुको नाम टुङ्गो लगाउने बारेमा छलफल चलिरहेको छ।
कसको नेतृत्वमा सरकारमा जाने र कुनकुन मन्त्रालयमा क-कसलाई पठाउने बारे छलफल भइरहेको सभापति देउवा निकट स्रोतले जनाएको छ।
यस्तै, अहिले नै माओवादी केन्द्रको पदाधिकारी बैठक पनि बसिरहेको छ। बैठक पार्टी कार्यालय पेरिसडाँडामा बसिरहेको हो।
बैठकमा मन्त्रिपरिषद् विस्तार र बैशाख १० गते हुने उपनिर्वाचनको विषयमा छलफल भइरहेको बताइएको छ।
