काठमाडौं, १६ चैत्र । राष्ट्रपति रामचन्द्र पौडेलका राजनीतिक सल्लाहकारमा कांग्रेस नेता सुनिल थापा नियुक्त भएका छन् ।
राष्ट्रपतिको सचिवालयले जनाएअनुसार पूर्व मन्त्री थापालाई राजनीतिक सल्लाहकारमा नियुक्त गरिएको हो ।
उनी गत मंसिर ४ गतेको निर्वाचनमा एमालेका राजेन्द्र राईसँग पराजित भएका थिए ।
यसअघि उनले उद्योग, वाणिज्य तथा आपूर्तिमन्त्रीको रुपमा काम गरिसहेका छन् ।
उनी पूर्व प्रधानमन्त्री सूर्यबहादुर थापाका छोरा हुन् ।
