काठमाडौं, २३ चैत्र । राष्ट्र, राष्ट्रीयता, धर्म, संस्कृति र नागरिक बचाउ महाभियान, नेपालले भोलि (बिहीबार) गर्ने भनेको नेपाल बन्द फिर्ता लिएको छ ।
महाभियानका संयोजक दुर्गा प्रसाईले आज एक विज्ञप्ती जारी गर्दै भोलि एसईई परीक्षालाई मध्येनजर गर्दै उक्त नेपाल बन्द फिर्ता लिएको स्पष्ट पारेका छन् ।
पछिल्लो समय प्रसाईले देशव्यापी रुपमा विभिन्न माग राखी आन्दोलन तथा संघर्षका कार्यक्रम गर्दै आएका छन् ।
