काठमाडौं, २४ चैत्र । डाईनामाईट फुटबल क्लबको आयोजनामा चैत्र २५ गतेदेखि सिक्स ए साईड थारु फुटसल प्रतियोगिता हुने भएको छ ।
शुक्रबार आयोजकले एक कार्यक्रमका बीच सो प्रतियोगिता यही चैत्र २५ र २६ गते ललितपुरस्थित् ईमाडोल फुटसल ग्राउण्ड, बोजेपोखरीमा हुने जानकारी गराएका हुन् ।
उक्त फुटसल प्रतियोगितामा देशभरिबाटै थारु समुदायका १६ वटा टिमको सहभागिता रहने आयोजकले जनाईएको छ । प्रतियोगिताको प्रथम हुने टिमले नगद रु ७५ हजारसहित ट्रफी र मेडल प्राप्त गर्नेछ भने दोस्रो हुनेले ५० हजारसहित ट्रफी र मेडल प्राप्त गर्नेछ ।
सो प्रतियोगीताको प्रत्यक्ष–प्रसारण आपन थारु समुदाय–थारु कम्युनिटी नामक फेसबुक पेजमार्फत गरिने आयोजक डाईनामाईट फुटबल टिमले जानकारी दिए ।
प्रतियोगिता चैत्र २६ गतेसम्म चल्नेछ ।
