काठमाडौं,२८ चैत । प्रमुख तीन राजनितिक दलहरु नेपाली कांग्रेस,नेकपा एमाले र नेकपा माआवादी केन्द्र संसद्मा छलफलको क्रममा रहेको टीआरसी विधेयकलाई सर्वस्वीकार्य र न्यायपूर्ण रुपमा अगाडी बढाउन सहमत भएका छन् ।
आज सभामुख देवराज घिमिरेले बोलाएको प्रमुख तीन दलबीचको छलफलमा उक्त सहमती जुटेको हो ।
संसद्मा पेश भएको उक्त विधेयक सत्तारुढ दल फास्ट ट्राकमा पास गर्नुपर्ने पक्षमा छन् भने प्रमुख प्रतिपक्षी दल नेकपा एमाले तत्काल पास गर्ने पक्षमा छैन् । एमालेले एकपटक समितिमा छलफल गरेर संशोधन सहित पास गर्नुपर्ने बताउदै आईरहेको छ ।
दलहरुबीच असहज परिस्थिती सिर्जना भयपछि सभामुख घिमिरेले लगातार शीर्ष तहका नेताहरुसँग छलफल गरिरहेका छन् ।
आजको छलफलमा प्रधानमन्त्री प्रचण्डसँगै माओवादी केन्द्रका प्रमुख सचेतक हितराज पाण्डे,कांग्रेस सभापति शेर बहादुर देउवा,नेतृ ईश्वरीदेवी न्यौपाने,एमाले अध्यक्ष केपी शर्मा ओली,एमाले संसदीय दलका प्रमुख सचेतक पदम गिरी,महान्याधिवक्ता दिनमणी पोखरेल र पूर्व महान्याधिवक्ता रमेश बडाल सहभागी थिए ।
