काठमाडौं, वैशाख ३। स्थानीय र पश्चिमी वायुको प्रभावले आज पहाडी भेगमा वर्षा र तराईका केही स्थानमा हावाहुरीको सम्भावना रहेको छ।
आइतबार बिहान बागमती र गण्डकी प्रदेशको मौसम सफा छैन। दिउँसो र राति कोशी प्रदेशको पहाडी भू-भाग र बाँकी प्रदेशको पहाडका एक-दुई स्थानमा हल्का वर्षाको सम्भावना रहेको मौसम पूर्वानुमान महाशाखाले जनाएको छ। तराईका केही स्थानमा हावाहुरीको सम्भावना रहेको छ।
सोमबार गण्डकी र कर्णाली प्रदेशको पहाडी भू-भागको केही स्थान र बाँकी पहाडी भू-भागका एक-दुई स्थानमा वर्षाको सम्भावना छ। तराईका केही स्थानमा हावाहुरीको सम्भावना रहेको महाशाखाले जनाएको छ।
मंगलबार कर्णाली र सुदूरपश्चिम प्रदेशको पहाडी भू-भागका एक-दुई स्थान वर्षाको वर्षाको सम्भावना रहे पनि बाँकी प्रदेशको मौसम सफा रहने मौसम पूर्वानुमान महाशाखाले जनाएको छ।.
