काठमाडौं, ८ बैशाख । मेट्रो मार्केटको चौथो शाखा कपनमा खुल्ने भएको छ। फैका चोक कपनमा बैशाख ९ (शनिबार) देखि मेट्रो मार्केट सञ्चालनमा आउन लागेको हो। मार्केट उद्घाटनको अवसरमा ग्राहकले भारी छुटसमेत पाउने भएका छन्। यसअघि मेट्रो मार्केटका शाखा पेप्सीकोला, जोरपाटी र सानेपामा सञ्चालनमा आइसकेका छन्।
मेट्रो मार्केट परिवारले पाँच वर्षभित्र काठमाडौंका ५० स्थानमा शाखा विस्तार गर्ने लक्ष्य रहेको जनाएको छ। यसका साथै काठमाडौं बाहिर वा अन्य ठूला शहरहरू हेटौंडा, पोखरा, चितवन, भैरहवा, जनकपुरलगायत स्थानमा पनि शाखा विस्तार गर्ने बताइएको छ। मेट्रो मार्केटले खाद्यान्य, लत्ताकपडा, भाडाँकुडा, श्रृंगारका सामाग्री जस्ता थुप्रै घरेलु सामाग्री एउटै छाना मुनी उपलब्ध गराउँदै आएको छ।
