काठमाडौं, १० बैशाख । बारा क्षेत्र नम्बर–२ मा आज भएको उपनिर्वाचनमा ६० प्रतिशत मत खसेको प्रारम्भिक अनुमान गरिएको छ।
मतदान भने शान्तिपूर्ण रुपमा भएको थियो । बाराका निर्वाचन अधिकृत मुकेश उपाध्यायले जनाएअनुसार ६० प्रतिशत मत खसेको अनुमान छ ।
मतपेटिका संकलन गरिसकेपछि यथाशक्य चाँडो मतगणना सुरु गरिने मुख्य निर्वाचन अधिकृतको कार्यालयले जनाएको छ ।
मतगणना भने कलैयाको गंगानगरस्थित शैक्षिक तालिम केन्द्रमा हुने भएको छ ।
