काठमाडौं, १३ बैशाख। नेकपा (एमाले) का उपमहासचिव विष्णु रिमालले बैशाख १० गते सम्पन्न भएको उपनिर्वाचनले अंकगणितीय मात्रै नभएर मनोवैज्ञानिक सन्देश पनि दिएको उल्लेख गर्दै त्यसलाई आत्मसात् गर्न सुझाएका छन् । सामाजिक सञ्जाल फेशबुकमार्फत रिमालले ‘उपनिर्वाचनको मनोवैज्ञानिक सन्देश भनेको ‘अजेण्डा सेट गर, त्यसको ब्राण्डिङ् गर र डेलिभरीको तरीका फेर’ भन्ने भएको उल्लेख गरेका छन् ।
उनले लेखेका छन्–
उपनिर्वाचनको अङ्कगणितीय मात्र हैन, मनोवैज्ञानिक सन्देश पनि छ ।
अङ्कगणित, सत्तासमिकरणमा तात्विक फरक पार्ने खालको छैन ।
मनोवैज्ञानिक सन्देश भने महत्वपूर्ण छ।
ठुलापार्टी लक्षित “सच्चिने” शब्दको भाव, “अहिलेको’मा सुधार गर” भन्ने होला ।
मनोबैज्ञानिक सन्देश ‘कार्यशैली सुधार गर’ भन्ने मात्र हैन ।
नयाँ ‘मार्केटिङ्–स्टन्ट’ पछ्याउ भन्ने पनि हैन ।
‘अजेण्डा सेट गर, त्यसको ब्राण्डिङ् गर र डेलिभरीको तरीका फेर’ भन्ने हो ।
मेरो बुझाई सहि हो भने यो मनोविज्ञानलाई आत्मसात गर्नुपर्छ ।
