काठमाडौं, वैशाख १८ । एसिसी प्रिमियर कपको फाइनल खेलमा नेपाललाई दोस्रो सफलता मिलेको छ। युएईका भृत्या अर्विन्दलाई नेपालका करण केसीले आशिफ शेखको हातबाट क्याच आउट गराए। उनले दुई चौकासहित ८ रन जोडेका थिए।
यसअघि युएईका ओपनर मोहम्मद वासिमलाई सोमपाल कामीले ललित राजबंशीको हातबाट क्याच आउट गराए। ललितले हावामा उफ्रिएर बल क्याच गरेका थिए।
वासिमले १ चौका र १ छक्कासहित ११ रन बनाएका थिए। पाँचौ ओभर पुरा हुँदा युएईले २ विकेटको क्षतिमा २८ रन जोडेको छ।
त्रिवि क्रिकेट मैदानमा नेपालका कप्तान रोहित पौडेलले टस जितेर पहिला फिल्डिङ गर्ने निर्णय लिएका थिए।
