काठमाडौं, जेठ ४ । हाल देशमा पश्चिमी वायुको साथै स्थानीय वायुको सामान्य प्रभाव रहेको छ । जल तथा मौसम पूर्वानुमान महाशाखाका अनुसार हाल देशका पहाडी भू–भागमा आंशिक बदलीरही बाँकी भूू–भागमा मौसम सामान्यतया सफा रहेको छ ।
आज दिउँसो देशको पहाडी भूू–भागमा आंशिकदेखि सामान्य बदली रही बाँकी भूू–भागमा आंशिक बदलीदेखि मौसम सामान्यतया सफा रहनेछ ।
कोशी प्रदेश, बागमती प्रदेश, गण्डकी प्रदेश र कर्णाली प्रदेशका पहाडी भूू–भागका केही स्थानहरूमा मेघगर्जन र चट्याङ्गसहित क्षणिक वा हल्का वर्षाको सम्भावना रहेको छ । अहिले काठमाडौँसहित बागमती प्रदेशका केहि भू–भागमा वर्षा भइरहेको छ ।
आज रातिसम्म कोशी प्रदेशमा आंशिकदेखि सामान्य बदलीरही अन्य प्रदेशका पहाडी भूू–भागमा आंशिक बदली तथा देशका बाँकी भूू–भागमा मौसम सामान्यतया सफा रहने महाशाखाले जनाएको छ ।
