दाङ, जेठ ५ । पुर्बपश्चिम महेन्द्र राजमार्ग अन्तर्गत दाङको लमही नगरपालिका ३ फल्कापुरमा दुई बस ठोक्किदा एकजनाको मृत्यु भएको छ । दुर्घटनामा दुई दर्जन बढी यात्रु घाईते भएका छन् ।
लमहीबाट भलुबाङ तर्फ जाँदै गरेको लु२ ख ७८५ नम्बरको बस र बिरगंजबाट तुलसीपुर आउदै गरेको ना ५ ख ४८९८ नम्बरको बस एकआपसमा ठोक्किदा रोल्पा रुन्टिगढी ७ कि शोभा परियारको मृत्यु भएको हो । उनी बिरगंजबाट तुलसिपुर आउन थालेको बसमा सवार थिइन्।
दुर्घटनामा घाईते मध्ये ११ जनाको अवस्था गम्भीर रहेको वडा प्रहरी कार्यलय लमहीले जनाएको छ। घाइतेहरुलाई उपचारका लागि बुटवल, भैरहवा, नेपालगन्ज तर्फ रिफर गरिएको छ।
