काठमाडौं, ६ जेठ । नेकपा (एमाले) का महासचिव शंकर पोखरेलले कांग्रेसले राष्ट्रको नेतृत्व गर्ने सामर्थ्य गुमाइसकेको बताएका छन् । उनले कांग्रेस आफ्नो खुट्टामा आँफै उभिन नसकेको पनि आरोप लगाएका छन् ।
आज (शनिबार) ४०औँ नेत्रलाल पौडेल अभागी स्मृति दिवस समारोहमा बोल्दै उनले यस्तो बताएका हुन् । उनले अहिले साना दलले च्याँखे थापेर देशलाई अस्थिर बनाएको बताए ।
उनले भने, हामीले कांग्रेसलाई एक्ला एक्लै चुनाव लडौँ भनेका हौँ । तर,कांग्रेसले आँट नगरेर माओवादीको साथ लियो । जसका कारण साना दलले च्याँखे थाप्न पाएका छन् ।’ File Photo/ReportersNepal
