काठमाडौं,९ जेठ । यार्सागुम्बा संकलन गर्न जाँदा गत आइतबार बझाङको सुर्मा गाउँपालिकाको धानसरी हिमाल नजिकैबाट हिमपहिरोमा बेपत्ता भएका तीनै जना मृत भेटिएका छन् ।
हिमपहिरोमा पुरिएका सुर्मा गाउँपालिका ३,काँटै गाउँकी ४० वर्षीया रामकोइला बोहरा, जयपृथ्वी नगरपालिका ११, मयानाकी १८ वर्षीया रमिता धामी र १४ वर्षीया जामती धामी मृत अवस्थामा भेटिएको प्रहरीले जनाएको छ ।
हिमपहिरोमा परी घाइते भएका दुई जनाको भने उपचार भइरहेको प्रहरीले जनाएको छ । file photo
