काठमाडौं, असार ७ । राष्ट्रिय स्वतन्त्र पार्टी (रास्वपा) को संसदीय दल र केन्द्रीय कार्य समितिको बैठक आज बस्दैछ । अहिले केहिबेरमा सुरु हुने बैठक नयाँ पार्टी कार्यालय बालाजुमा बस्न लागेको हो ।
आजै रास्वपाको स्थापना दिवस हो । बैठकमा पार्टी स्थापना दिवसको सन्दर्भमा आयोजना गरिएको चियापानको तयारीबारे छलफल हुने छ ।
रास्वपाले आज दिउँसो १ बजेदेखि चियापान कार्यक्रम आयोजना गर्दैछ । चियापानमा प्रधानमन्त्री, मन्त्री, संसदमा प्रतिनिधित्व गर्ने सबै राजनीतिक दलमा शीर्ष र पदाधिकारी, सांसदहरूलाई आमन्त्रण गरिएको छ ।
त्यस्तै, उच्च पदस्थ सरकारी अधिकारी, सुरक्षा अंगका प्रमुखहरू नेपाल स्थित कूटनीतिक नियोग प्रमुख, उद्योगी, व्यवसायीहरूलाई पनि चियापानका लागि निम्तो पठाइएको छ ।
