काठमाडौं, असार १६ । मुम्बई–नागपुर एक्सप्रेसवेमा शनिबार बिहान एउटा बसमा आगलागी हुँदा २५ जनाको मृत्यु भएको छ। भीषण आगालागी भएको उक्त बसमा ३२ जना यात्रु रहेको भारतीय सञ्चार माध्ययहरुले जनाएका छन् ।आगोले निदाएका २५ यात्रुको मृत्यु भएको थियो भने आठ यात्रुले ज्यान जोगाउन सफल भएका थिए।
नागपुरबाट पुणे जाँदै गरेको यो बसको टायर बुलढानाको सिन्दखेड राजा नजिकै पड्किएको थियो। जसका कारण पहिले एउटा पिलर र त्यसपछि पुलमा ठोक्किएर आगलागी भएको बताइएको छ।
यो ठक्करबाट बसको डिजेल ट्याङ्की ठोक्किएर विस्फोट भएको हो । दुर्घटनामा बाँचेका केही यात्रु सिसा तोडेर बाहिर निस्केर ज्यान जोगाउन सफल भएको एसपी कडास्नेले बताए । मृतकहरुको अझै सनाखत हुन सकेको छैन ।
