काठमाडौं, २७ असार । आज निधन भएकी प्रधानमन्त्री पुष्पकमल दाहाल ‘प्रचण्ड’ की पत्नी सीता दाहालको पार्थिव शरीरलाई अन्तिम श्रद्धाञ्जली दिईएको छ । माओवादी केन्द्रको मुख्यालय, पेरिसडाँडामा अन्तिम श्रद्धाञ्जलीका लागि स्वर्गीय सीता दाहालको शव राखिएको छ ।
पेरिसडाँडा पुगेर विभिन्न दलका नेता र विदेशी कूटनीतिज्ञहरूले दाहाललाई श्रद्धाञ्जली दिएका छन्। नेपालका लागि भारतीय राजदूत नवीन श्रीवास्तवले पार्थिव शरीरमा श्रद्धाञ्जली दिएका छन् ।
सीता दाहालको आजै राजकीय सम्मानसहित पशुपति आर्यघाटमा अन्त्येष्टि गरिँदैछ । अहिले पशुपतिनाथ आर्यघाटमा पार्टीका नेता तथा कार्यकर्ताहरुको बाक्लो उपस्थिति छ । तस्विर : मुकुन्द कालिकोटे, रिपोर्टर्स नेपाल डटकम
