काठमाडौं,२९ असार । सभामुख देवराज घिमिरेले संघीय संसदको दुबै सदनबाट पारित भएको आर्थिक वर्ष २०८०/८१ को विनियोजित बजेट सम्बन्धिको विधेयक प्रमाणित गरेका छन् ।
संविधानको धारा ११३ को उपधारा १ बमोजिम सभामुखले प्रतिनिधिसभाले संशोधनबिना पारित गरेको र राष्ट्रिय सभाले सुझावबिना फिर्ता पठाउने गरी पारित गरेका विनियोजन विधेयक, २०८०, आर्थिक विधेयक, २०८० र राष्ट्र ऋण उठाउने विधेयक,२०८० प्रमाणित गरेका हुन् ।
सभामुखबाट प्रमाणित विधेयक अब राष्ट्रपति रामचन्द्र पौडेलले प्रमाणीकरण गरेपछि कार्यान्वयनको बाटो खुल्नेछ ।
